枫桥夜泊简介（苏州话版）：苏州人侪晓得葛枫桥景区，以寒山古寺、江枫古桥、铁铃古关、枫桥古镇搭古运河“五古”著称。枫桥镇，因枫桥得名。古桥紧紧依靠运河，横跨枫江，是古代辰光官道（古驿道）必经的道路。唐朝以前，枫桥匣称“封桥”，官府勒海该搭设卡检查过往葛商旅船只，每日天夜里厢，苏州城葛城门关闭后，运河就封航哉，船么要勒海该搭停靠一直等到天亮。那么，张继夜里厢就勒海该搭写下仔《枫桥夜泊》诗。俚是苏州城葛一张名片，从此，寒山寺、江枫洲以及整个运河上葛古镇名声大噪，响彻全球。枫桥一直以市肆闻名。到仔清朝，以枫桥为中心，形成仔全国最大葛米豆集散地。现在，苏州城里葛老百姓还有“打听枫桥价，买米不上当”葛说法嘞。枫桥米市葛“枫斛”匣成为仔当时全国米粮度量器具葛标准。1949年4月27日，苏州城解放葛第一声枪响匣勒海该搭葛铁铃关打响格。50年代，大运河苏州段实施仔枫桥裁弯取直葛急湾改造工程，那么，勒新、老运河葛当中，就有仔一个新葛岛屿——江枫洲。