平江古巷简介（苏州话版）：平江路，南起干将东路，北面搭白塔东路还有东北街相连接，古代叫“十泉里”，是一条沿河葛小路，河葛名字叫平江河。平江路历史街区是大运河苏州段七个遗产点之一，是苏州古城到现在为止保存最典型、最完整葛历史文化保护区，堪称古城葛缩影。辣平江路浪有几几花花葛古代街巷，匣有交归多历史文化名人。千百年来，古巷、老宅搭名人，构成仔伲苏州葛历史。平江连漕运，河街尽繁华。到现在为止，对照南宋葛《平江图》以及明末《苏州府城内水道总图》，平江古巷仍原保持仔“水陆并行，河街相邻”葛格局。