吴门望亭简介（苏州话版）：运河水兜兜转转，从北面葛无锡流过来，过仔丰乐桥，到仔伲望亭么就晓得苏州到哉，所以叫“吴门望亭”。老底子该搭有座驿亭，公家葛船、往来葛客人么侪勒该浪厢停一停勒歇一歇，辰光一长，人来客去么，该场化闹猛起来哉，成仔一个镇，听年纪大点格老先生笃讲，流过望亭葛运河水当地人叫俚鹤溪，运河浪有桥，像仙鹤葛背梁脊骨，两旁边葛河水是两只翅架，两岸贴勒运河葛上塘街、下塘街是头搭倪巴，倷倒说说看伲望亭阿有味道？百闻弗如一见，欢迎大家来伲望亭白相。